轉眼間Sheryl已經7星期大啦. 早喺佢未出世之前, 我已經決定左餵人奶, 當時未意識到呢個task有幾高難度, 淨係諗如果連生仔咁辛苦都做到, 餵人奶有幾難??? 一直到Sheryl返左屋企, 真真正正要round the clock 24小時候命餵奶, 先知道原來餵人奶有時仲恐怖過生仔!
可能因為Sheryl喺醫院果時食過奶樽, 加上我身體又未適應, 初初兩個星期真係痛不欲生! 佢每食一下都痛, 好彩我一邊痛一邊唔痛, 起碼痛果邊可以休息下. 加上又唔知佢食左幾多, 唔知佢夠唔夠飽, 如果唔夠狠心走去補奶粉, 第一個月餵人奶一定失敗! 我狠心地唔補奶粉, 當然都要每星期返健康院check住重左幾多, 結果第一個月好成功, 全人奶都重到1kg (全人奶bb average 一個月重0.5kg).
踏入第2個月, 要開始準備比對Sheryl食下奶樽, 因為我返工就唔可以埋食餵啦. 加上過左1個月嘅非人生活, 真係好攰, 開始覺得餵人奶好大壓力. Sheryl未出世果時我成日提醒自己, 對Sheryl唔可以"太緊張", 過份緊張對佢對我都唔好, 好似餵人奶咁, 如果餵唔到人奶咪食奶粉囉, 我都係食奶粉大, 而家咪好人好姐! 所以Sheryl滿月之後就開始半夜果餐唔埋身餵, 如果之前有泵定嘅奶就食, 無就食奶粉. 如果我地有時下晝出街, 嫲嫲都係餵奶粉. 呢個做法除左朝中起身勁谷奶之外, 一直都無咩問題. 仲諗住返左工之後泵到幾多就幾多, 唔夠就食奶粉, 咁起碼都可以叫做係半人奶, 又唔洗一定要全人奶咁大壓力.
點知尋日開始左邊胸有d痛, 一直到夜晚, 發現有個area有硬塊, 點按摩都唔得, 同埋又勁痛!(谷奶痛起上黎同生仔差唔多架!!!) 到今朝起身都仲痛緊, 無好過, 都心知不妙, 拿拿聲去睇醫生, 好彩無發燒, 即係仲未乳線炎, 不過醫生都開左抗生素比我, 叫我返去快d用暖水按摩, 一定要清左佢, 如果唔係就隨時變成乳線炎, 嚴重仲要做手術放膿! 返到屋企第一時間暖加按摩, 又用電泵起勢泵, 但係都泵唔出! 其實由有硬塊開始, 阿囡都已經啜過兩次, 但係都只係舒緩左少少, 不過係人都話就算痛同清唔到都一定要比佢啜, 無嘢比佢埋身啜更有效, 結果再比阿囡啜, 就啜通左啦!!!!
所以話呢個世界上最好嘅奶泵咪就係阿b本人囉, 幾貴嘅電泵都比唔上! 因為天父原本就係design人奶比阿b呢個'泵"食! 但係好可惜, 要返工就真係無計, 加上唔知點解我唔係泵到好多,(姑娘話係let down唔好), 但係Sheryl埋身食又長食長有喎! 所以我而家決定輕鬆d, 返工之後泵到就餵, 泵唔到都唯有食奶粉啦! 對於爛瞓嘅我黎講, 相信都唔可以堅持好耐!
除左讚嘆天父design呢個絕世好'泵"之外, 都好佩服堅持全人奶嘅返工媽咪, 因為真係超辛苦! 原來生個bb出黎唔係最偉大, 返緊工都堅持全人奶嘅, 先至係偉大加偉大!!!
經你咁講，我諗緊用唔用電泵好添
回覆刪除[版主回覆12/02/2008 15:53:00]我生之前都無買定泵架, 係我喺醫院第4日谷奶谷到死下死下, 先叫CoCo爸拿拿聲去買! 有朋友話佢用手動泵, 泵到手軟, 仲要泵爛左幾個! 所以一係唔用泵, 要用就要用電泵. 不過第一個月最好唔好泵, 因為未上奶, 最好都係用返絕世好泵(即係阿b)先, 到上左奶又confirm自己返左工都會餵先買啦!
睇完哂~ 真係唔知好唔好"side"咁多錢去買電泵好tim~
回覆刪除[版主回覆12/02/2008 15:58:00]其實可以考慮租, 私家醫院通常都有得租, 我記得好似$500一個月. 不過我買個電泵都係around $1400 (medela swing), 而且仲好有2手價添, 所以我費事煩咪買左先囉. 我第一個月其實都無咩點用過, 未上奶都泵唔到d咩. 你可以考慮唔買住, 生左之後要買咪叫你老公去買囉!
我買左電泵啦!!睇完唔係驚"side"錢係驚餵人奶喎!!
回覆刪除加油呀!!偉大媽媽
[版主回覆12/02/2008 16:04:00]咁又唔洗驚, 我爛瞓又懶先覺得辛苦姐!!! 你買左邊隻電泵呀? 努力加油呀, 最緊要唔好比自己壓力, 餵到幾多就幾多啦, 就算只係一啖阿b都benefit到架!
Sheryl 媽媽, 你好叻呀!
回覆刪除[版主回覆12/02/2008 16:09:00]我就係唔叻...而家未返工都已經頂唔順要半人奶only, 返工之後應該都唔堅持得好耐! Marco食奶粉都好健康呀, Sheryl而家食森永, Marco食邊隻???
Marco一直都係食日本明治, D腸胃都幾好呀!當然餵到人奶就最好, 堅持呀!!!
回覆刪除[版主回覆12/03/2008 20:14:00]我揀森永都係聽d媽咪講話佢係日本奶粉中對腸胃比較好嘅, 我有d朋友都比bb食明治, 都幾好. 我都唔知點解埋身餵Sheryl又食得飽, 仲可以瞓4粒鐘先再食, 但係泵就泵得好少, 如果成晚無餵好谷先可以泵到6安, 但平時日頭只可以泵到2安左右! 所以我都唔堅持得好耐!
可能女仔個胃細D,唔洗食好多都已經飽! 佢地只要唔肚餓, 就會瞓得耐D...Sheryl好乖呀, 你應該好開心啦, 起碼佢可以俾你休息四粒鐘, 以前Marco夜晚兩、三個鐘就醒一次, 好彩星期一至五夜晚奶奶幫我, 如果唔係我唔洗返工啦!
回覆刪除[版主回覆12/04/2008 20:19:00]如果我泵出黎用奶樽餵, 佢食成6安(180ml), 仲要食得勁快, 所以我真係好懷疑佢平時埋身食會唔會唔夠! 呢排仲慘, 日頭大覺瞓, 晚晚2am至6am 都唔瞓扭計, 我仲有一星期就返工啦! 奶奶都叫我地星期一至五放bb喺佢屋企, 雖然我同奶奶屋企只係10分鐘車程, 但係我又好唔捨得喎, 都唔知點算!
6安好似多咗D喎! 你有無定時隔2/3個鐘先俾佢食呀, 定係佢一喊就俾呢? 如果用奶樽, 最好每次份量都一樣, 咁樣食得有規律D, 你第時返工就好控制D。至於瞓覺, 你盡量日頭同佢玩多D, 而且唔好日頭落窗簾瞓, 夜晚瞓覺前俾多支奶佢飲, 聽吓音樂先瞓, 佢醒咗都唔好開燈, 最多抱吓佢行吓; 你要俾個時間表佢, 盡量去跟, 佢喊, 就用其他嘢氹吓佢, 俾D時間佢習慣吓, 有時要忍心D。
回覆刪除我就好D, 同奶奶一齊住, 喺隔離房啫, 講真有自己人湊好過俾工人湊! 要返工就無辦法啦, 不如叫奶奶嚟住一、兩個月,等阿女夜晚無起咁多次身, 咪自己夜晚湊番囉!
[版主回覆12/06/2008 18:11:00]佢最少都隔4個鐘先食, 有時仲係咁瞓, 隔成6個鐘都有, 我有整醒佢, 但係佢要瞓起上黎, 真係點攪都唔醒架, 就算醒都唔肯食! 頭一個月全人奶埋身餵就無set時間表, paed叫我feed on demand, 因為唔知佢食左幾多, 而每次食多少都唔同, 所以佢喊就要食. 第2個月開始加左奶粉同奶樽, 我都有同佢set time table, 不過都係果句, 佢要瞓就點都唔肯食. 結果日頭食得唔夠, 夜晚就食返夠本!!! 其實佢最多食6安, 我諗佢日頭埋身食應該無6安咁多, 我試過臨瞓比佢食6安, 佢可以瞓6個幾鐘, 但係就唔係晚晚都work! 真係比佢玩死!
bb一日食10餐...有時冇一個鐘就喊喊想再食...我半夜3點就補一餐奶粉(而家食和光堂好唔好呢??片片你用咩牌子架...thx!!)就可以瞓3個鐘....其他時間就個零鐘就要餵一次..有時佢日間瞓就3個鐘要攪醒佢先食...夜晚就唔瞓...真係好辛苦....我又泵唔到奶...得少少50ml都唔夠..但姑娘又話我夠奶...一日都有7,8條片片...我諗我唔頂得幾耐....人奶真係好過奶粉好多???唉...我而家都唔知點好....
回覆刪除好呀...我得閒上去睇下....咁上次個個係咪冇左啦!!
麻煩晒你呀!!
[版主回覆04/23/2009 14:17:00]我朋友個bb食和光堂, so far ok, Sheryl就食森永, 我覺得其實都差唔多, 睇下bb夾唔夾囉 (即係好似狗糧一樣). 1日食10次又真係幾辛苦, Sheryl頭一個月一日最多食7次, 佢鍾意訓多過食, 可能男仔食多d啦! 頭果個月我泵得30ml咋, 仲要泵好耐! 一係你考慮下半人奶啦, 自己無咁辛苦又可以比到人奶佢食, 人奶餵到當然最好, 餵唔到都唔係咩大件事, 只係 best同good既分別姐! 至於日夜倒轉呢個問題, 好多bb都有, sheryl頭兩個月都係咁, 我直情想死. 佢可以喊天光!!!! 到佢兩個月大我就同佢set時間表, 試左一個week就戒左夜奶, 我係睇朋友介紹果本書: The New Contented Little Baby Book http://www.amazon.com/gp/product/0091912695/ref=s9_sips_c2_s1_p14_t1?pf_rd_m=ATVPDKIKX0DER&pf_rd_s=center-2&pf_rd_r=1ZRXJBBWS8PR5QERFVAA&pf_rd_t=101&pf_rd_p=470938631&pf_rd_i=507846
For Sheryl就好work, 不過我都無跟足架, 你可以買黎睇下啦, 我見Dymocks有得賣, 我有個朋友最近係Page One買左, 你叫老公幫你去睇下啦!
係呀, 之前果個無左啦, 睇下d Labra Puppy arm 唔arm啦!
bb一日食10餐...有時冇一個鐘就喊喊想再食...我半夜3點就補一餐奶粉(而家食和光堂好唔好呢??片片你用咩牌子架...thx!!)就可以瞓3個鐘....其他時間就個零鐘就要餵一次..有時佢日間瞓就3個鐘要攪醒佢先食...夜晚就唔瞓...真係好辛苦....我又泵唔到奶...得少少50ml都唔夠..但姑娘又話我夠奶...一日都有7,8條片片...我諗我唔頂得幾耐....人奶真係好過奶粉好多???唉...我而家都唔知點好....
回覆刪除好呀...我得閒上去睇下....咁上次個個係咪冇左啦!!
麻煩晒你呀!!