其實Sheryl 喺08年10月出世之後, 由08年11月至09年6月, 每個月都至少有一個朋友生bb, 大家都係新手媽咪, 自然會傾好多bb嘅嘢, 由其係breastfeed同bb用品. 所以就同大家share下Sheryl嘅"御用"物品啦!
尿片: 正所謂"資源有限, 欲望無限", 尿片係其中一樣highly consumable嘅嘢, 要我百幾蚊買一包"屎片", 仲要巴巴閉咁要訂先有貨? NO WAY!!! 尿片除左好用之外, 容易購買度都好重要! newborn果時用huggies, 不過不失啦, 漏屎都發生過三四次, 不過試問newborn人奶b有邊個無試過"漏屎"呢? 而我都唔相信世界上有 100%唔漏屎嘅片! 不過huggies 比軟硬, 之後試用噓噓樂, 因為平, 點知可能厚同唔通風, pat pat 起紅點, 唔掂! 跟住用妮飄, 好軟, 無紅pat pat, 又唔太貴, 而家就一路用啦!
Face cream: Sheryl未出世果時百幾蚊買左支mustela face cream, 結果而家喺屋企"封塵"! 事關Sheryl面上的奶癬, 用醫生介紹嘅emulsifying ointment (藥房$40左右一大樽)最work, 狂搽一兩日就K.O.
沖涼: 頭兩個月用mustela 百幾蚊一支唔洗過水果隻bathing gel, 真係好方便, 點知早前含致癌物質佢榜上有名, 比我成支投左籃, 轉左用醫生介紹嘅aqueous cream. 原本Sheryl條頸比奶"yip"得多, 好紅仲試過有血水, 用左aqueous cream沖涼之後, 好左好多, 皮膚仲無咁乾! 又係藥房有得賣, 三十零蚊一大樽, 可以沖涼又可以搽面, 正!
抹pat pat: 最初用過huggies / johnson, pat pat又紅又損, 唔掂! 結果要用思詩樂乾棉浸濕同佢抹, 紅pat pat就無再出現啦! 出街就用combi, so far都ok!
抹手抹面: 一直都用思詩樂濕棉, 佢用無菌水, 姑娘介紹用, 抹手抹面之外, 仲用埋黎洗口, 人奶b唔飲水, 有時個口都有陣味, 每日都用濕棉抹下條利同牙肉, 乾淨d之外又可以自少desensitize佢比人攪個口, 第時學擦牙都易d! 不過用呢隻濕紙巾好唔環保, 而家Sheryl大d, 我有時用乾棉濕熟水同佢抹, 環保少少!
睡袋: Grobag, 因為佢有instruction教幾多度就著幾多衫同埋用邊種厚度, 加上又安全唔會驚焗親, Sheryl 成日都9秒9踢晒d被走, 用睡袋睇你點踢!!!
奶樽: ChuChu, 貪佢個奶咀design係唔啜唔會出奶, 唔會chok親佢! 其實我無試過其他, so far Sheryl用ChuChu so far都ok, 而且又唔洗換唔同大細嘅奶咀, 方便好多!
電奶泵(medela swing): 呢樣係我未生之前最hesitate買唔買嘅product! 因為又貴(成千幾蚊)又唔知用唔用到, 最後生完上左奶先買, 經過頭兩個月嘅適應期之後, 我真係無左佢唔得! 仲要買多個放喺office用! 手泵係平好多, 但係一日泵幾次, 真係手都軟埋! 我有個朋友話佢前前後後買左4,5個手泵, 因為泵到爛晒, 最終都要買電泵! 即係仲貴過一開始就買個電泵!!!
Puree food: 初時試食Healthy Time米糊, 食左Sheryl呵唔到屎屎, 仲好似谷得好辛苦, 成塊面都紅晒! 結果放棄米糊, 直接食10倍粥, 又ok喎, 無消化不良0既問題! 其實我地細個果時都無米糊架啦, 咪又係咁食粥仔! 所以我個人認為米糊唔係must, 我地問過醫生, 佢話米糊同粥仔其實分別唔大!
奶: 暫時食緊3餐人奶, 一餐奶粉, 一餐粥仔. 奶粉仲食緊森永, so far ok! 遲d打算減到只係早晚食人奶, 咁我就輕鬆好多啦!
多謝分享呀!!皓皓試過用思詩樂濕棉抺口....攪到偏晒咀....之後就用熟水同沙布佢就啜d水....
回覆刪除[版主回覆05/19/2009 09:38:00]係咪因為思詩樂濕棉太凍呀, 之前Sheryl都好唔鍾意, 頭果幾個月我每次都將包棉放落曖水度浸一陣, 先開出黎用, 咁就好好多啦! 而家無浸lu, 一來天氣熱, 二來Sheryl又大d, 而家一頭抹口一路唱"向上擦, 向下擦", 佢就唔會扭計! 希望對將來擦牙有幫助啦! 其實熟水同紗布都ok啦, 不過我懶唔想整....
皓皓而家點呀, 你仲有無咁辛苦呢???
想問下點用aqueous cream沖涼呢?
回覆刪除[版主回覆05/20/2009 16:07:00]當soap用囉, 醫生同我講我當初都有d懷疑, 硬係好似過唔夠乾淨咁, 醫生話皮膚敏感0既bb都用, 咁我即管試下, 結果真係好好, 又平又正又安全 !
hahaha 我都係AQ o既支持者呀~
回覆刪除btw....healthytime 會constipation? omg....唔通係因為咁攪到athene 要塞肛先ok...
但我食咗2-3日ja wor....hmmm....aiya..等我轉返哂做beanstalk 再try try先得
思詩樂濕棉 可以洗口咁好？等我又入下貨先得....
thx for ur sharing...so useful!
[版主回覆05/20/2009 16:10:00]我都唔肯定關唔關healthytime事, 都唔知係咪食耐d就唔再"便秘", 因為Sheryl個樣真係好辛苦, 無機會比佢再試耐d. 總之如果食粥仔佢一d事都無, 所以無再試米糊啦! 唔知關唔關食開人奶事呢? 因為人奶水份多......
思詩樂係無用無菌水, 洗口好方便, 不過勁唔環保!!!!
oic, 但係我一個人同佢沖涼, 而家都仲係用緊qv倒落盤水到同佢沖咋. 阿仔沖親涼都喪郁, 如果要當soap咁搽, 都唔知搞唔搞得掂.
回覆刪除咁洗頭用邊隻呀
回覆刪除[版主回覆05/21/2009 23:52:00]我都係一個人同佢沖架, 我會將佢放係塊墊上面, 用aqueous cream揸左pat pat同對腳先, 跟住抱佢落水, 先揸前面上身加對手, 過左水就返轉佢, 再揸背脊, 跟住過水, 最後就擦埋pat pat鬼祟位(佢下身應該一直都喺水入面, 不過因為落水之前已經揸左aqueous cream, 所以只係用水同毛巾擦就ok.
洗頭我暫時都係用埋aqueous cream, 可能遲d多d頭髮會考慮轉用洗頭水, 不過我諗一歲前都係用住aqueous cream先!
上個星期開始12點左右食個餐奶粉都可以瞓3個鐘...之後飲完媽媽奶都可以瞓番...到下午12點就醒同佢玩..傾偈....咁樣有得瞓我就好好多啦!!多謝關心..我會比心機架啦~~
回覆刪除