The biggest headache I ever had

9月份好多Nursery都開始報名.  雖然話幼兒園可讀可唔讀, 但係如果選擇讀, 又要考慮埋同幼稚園會唔會有connection, 而幼稚園0既選擇更加直接影響入邊間小學.

如果我中左六合彩, 就唔洗諗, 比Sheryl 讀international school / IB.  但係好可惜, mark six連發夢都未中過!

希望比Sheryl讀 international kindergarten, language個底打好d, 跟住就入直資小學. 

不過international kindergarten學費一樣好"金", 加上返唔到轉頭讀mainstream小學, 所以要諗清楚!  其實我真係唔係好想比佢讀mainstream, 只concern acaedamic, 讀書=辛苦, 所有野都係一樣, 如果唔motivate, 就唔會做得好, 逼住做都唔會做得開心! 

直資小學全港得20間, 好0既可能得十零間, 真係爭崩頭!  (香港區仲得4間only, 有一間仲係男校添!)  但係好多直資都玩「世襲制」, 要入真係難上加難!

蘋果日報                                                    2009-09-09

【本報訊】全港多間直資小學近日展開下學年的小一自行收生程序，近 2,000名學生及家長昨日到名校聖保羅男女中學附屬小學，參加入學簡介會。對於直資的拔萃男書院附屬小學已宣佈減少「世襲制」學額，聖保羅校方指，他們採「彈性世襲」，若非學校關聯生的表現好，會取錄四成甚至五成非學校關聯生。

聖保羅男女中學附屬小學昨日下午舉行簡介會，該校學費每年高達六萬元，去年近 2,000人爭奪 150個小一學額；但這些數字卻沒有嚇怕一班望子成龍的家長。校長李端儀估計，今年報讀人數與去年相若。她提醒家長毋須刻意準備厚重個人履歷或讓子女死背答案，「 Portfolio成三吋厚我唔會點睇；就算係鋼琴證書，你帶啲三級四級嚟可以，但係一、二級嗰啲就唔係咁需要。」對於拔萃男書院附屬小學日前宣佈減少「世襲制」、篩選學童進入次輪面試時不會考慮他們與學校的關聯，李端儀指，他們將維持採用彈性收生辦法，「我哋有唔多於七成學生係同學校有關聯嘅，相對亦會取錄唔少於三成嘅非學校關聯學生。呢個唔係固定比例。」如果今年非學校關聯生表現好，會取錄四成甚至五成非學校關聯生，一切以學生表現先行，做法比較有靈活性。

有家長卻對此做法有保留，家長盧太指，取消「世襲制」會比較公平，「父母唔係呢度舊生，機會會細咗，取消一定會公平啲。」她又表示，不會刻意為女兒進行面試特訓，因為現時才作準備已經太遲。該校報名將於本周五截止，校方將於 9月至 10月舉行兩輪面試，首輪將篩走九成不合資格學生，餘下 200人將進入次輪面試，屆時家長亦須接受校長的評核。入學結果將於 11月公佈。

(來源﹕http://hk.apple.nextmedia.com/template/apple/art_main.php?iss_id=20090909&sec_id=4104&subsec_id=11867&art_id=13189476 )

原來幼稚園0既選擇係直接影響小學同中學: http://happypama.mingpao.com/cfm/study3.cfm?File=20081008/prepb/368sh04a2.txt

一條龍都有好有唔好, 由細到大都係果班人, social skills相對弱d : http://happypama.mingpao.com/cfm/study3.cfm?File=20081008/prepb/368sh04a4.txt

真係睇到我頭都大埋, 心儀果幾間直資報名人數都超額10倍, 萬一Sheryl考唔到又點呢?  玩幸運輪睇下派去邊????? 

OMG, please let me get the mark six prize asap!!!!!!