三個月前開始比Sheryl上日文playgroup, 因為一直都覺得佢語言發展唔錯, 可以喺呢方面培養多d, 加上我地未生Sheryl之前最鍾意去日本旅行 (其實而家都係 :p), 又好欣賞日本人的禮貌同守紀律, 所以選擇左學日文.
其實Sheryl年齡已經夠上自己上堂嘅班, 不過一來時間唔啱, 二來佢一d都唔識日文, 而上堂老師係日本人, 全程講日文, 驚住要佢自己上反而有反效果令佢怕左學外語. 好彩center都比超齡兩個月嘅Sheryl join playgroup, 可以同daddy一齊上, daddy都叫識少少日文.
剛剛上完第一期8堂, Sheryl上得好開心, 仲學識左幾首日文歌仔. 而vocab就學識日文1-10, 顏色, 少量生果, 屋企人(爸爸媽媽兄弟姊妹grandma grandpa日文), 8堂playgroup而言, 算係唔少啦 ~~
上堂跟到老師instructions玩遊戲:
日文playgroup另一樣好處係d教具同手工都好鬼kawaii ~~
黎緊會上第二期8堂playgroup, 希望上到弟弟出世之後, Sheryl可以開始自己上堂, 到時要開始認字同埋學多d vocab架啦!!!
我有朋友仔佢先生有開叫皓b上,不過時間唔夾同驚皓b細,佢好鍾意睇日本小朋友嘅youtube又會跟住講...所以遲d都會比佢玩下...我十幾歲都學過下...不過唔記得囉..kaka
回覆刪除請問係邊間, 我都想幫仔仔搵日文PLAYGROUP呀, 呢間好嗎?
回覆刪除[版主回覆05/10/2012 15:13:31]Sheryl喺呢間學: http://www.ekimae-center.com/html/index_c.htm 我揀呢間因為香港區, 同埋佢讀上去可以讀6級制同有cert, 而且好似比甲子有系統.