睇返本Guide book, 其實HE1 係 "以年滿3歲左右, 母語掌握情況較好的兒童為主角所設計的產品" 所以Sheryl而家開始用都唔係遲, 因為佢之前無用過flashcards.
不過香港學英文嘅年齡越來越早, K1下學期學校已要開始學phonics, 而HE1係遊戲中學認字, 而HE2就開始phonics awareness:
基於時間有限, Sheryl唔可以正式由HE1開始, 我索性由HE2開始, HE1就當係有時間時先玩下, 玩到幾多就幾多啦, 有系統地學習HE1......留返比細佬!
HE2 Unit 1: ~~~
首先播cd聽歌做動作, 跟住用字卡圖卡玩唔同嘅遊戲, 反覆學習4個生字, 本guide book好有用, 會介紹遊戲玩法, 因為教材其實係好簡單嘅字卡, 玩嘅變化先係重點. 例如guide book教可以用萬字夾夾住字卡, 用磁石釣魚竿釣d字卡. 係咪好煩呢??? 呢個就係蒙特梭利教法同其他英語教材嘅分別! 無dvd睇, 一定要家長一齊玩, 總之用唔同嘅遊戲反覆教果幾個生字, 而唔係用dvd係噤播比你聽......
所以本guide book如果係韓文都幾"呢hea", 好彩係中文版. 教材其實好簡單 (好低成本
作為一個兒科職業治療師, 我當然非常buy呢個方法! 我地同d小朋友做training時, 都係用唔同嘅遊戲/媒介去反覆教授同一技能. 而蒙特梭利HE系列係要求小朋友作"操作性"學習, 而唔係被動性單向輸入 (dvd)同不求什解地閃字(flashcards), 每個字都有圖畫充分解釋字義, 係學習文字嘅原本意義 (文字本應係用黎描述記錄事物, 沒有意義的文字只是符號, 學識幾千個符號黎做咩呢????)
拎住d簡單教材去諗唔同嘅方法玩, 同我職業須要不謀而合, 所以係運用HE呢套教材上沒有遇到太大困難.
我抽起之前sight words d字卡, 改放左HE2 unit 1嘅圖卡同字卡, 噤我返左工阿囡都可以去玩下認下d字:~~~
如果唔可以有系統地開始HE1, 噤SBB1唯用當係輔助性質, 開始第一本Bedtime story 先, 等Sheryl對呢套書產生興趣後, 就可以同HE1一齊玩!
d圖晝都幾精美, bedtime story內容都好好, 可以睡前安定情緒之用
沒有留言:
張貼留言