第二胎的關係, 所有野都好似無噤上次噤緊張, 加上又要照顧 Sheryl, 好多弟弟出世嘅野都未準備好.
約好11月25號開刀, 但11月頭都仲未執好弟弟d野, 因為打算去倉拎返d舊bb衫出黎, 但遲遲都未有時間去, 加上Sheryl間新房到11月頭先至叫做攪掂, 要將家姐d野搬左過去先可以spare返d位出黎放弟弟d野. 結果係勁趕勁操勞!
家姐的新床同wall paper, 家姐仔勁鍾意, 自此之後果佢就叫間房做Princess room...... 最抵係d wall paper, 上 taobao 買好平, 再自己貼上去, 話都無噤易!!!
雖然家姐有新房, 但係我地其實好唔捨得佢唔再同我地瞓, 畢竟佢一出世就同我地同一間房, 每朝佢起身都會好sweet噤叫daddy mammy早晨, 真係唔想佢要同工人瞓. 所以我地決定照比佢同我地一間房先, 如果弟弟出世之後半夜會嘈醒佢先同佢轉房啦!
好彩當初搬黎嘅時候將兩間房打通左, 我地間主人房竟然可以放得落兩張bb床, 而我地張床都仲可以兩邊落地, 勁!!!!
一心諗住餵人奶, 不過知道全人奶會好辛苦, 今次仲要有Sheryl, 時間上都唔知可唔可以afford到, 所以都要買定d奶粉看門口. 上次Sheryl人奶夾日本森永奶粉, 好好無問題, 因為森永好淡唔甜. 但係而家唔買得日本奶粉, 又唔想同強國人爭奶粉, 都唔知點好.... 最後上網research決定買英國版牛欄牌. 原因係英國對奶粉好嚴格, 牛欄牌係大牌子, 味道淡同比較稀, 接近人奶, 最重要係一d都唔貴, 大約$180/罐. 仲有出街旅行裝, 連水都唔洗帶, 好方便!
其他用品同衫大部份都返用家姐之前果d, 只係再買左d consumable 嘅野. 今次真係好鬼趕同埋好多野都未準備好....................
好羨慕間房大可放兩張bb牀, 我老公要阿仔同工人瞓, 我無得見阿仔起身開眼對我笑個樣
回覆刪除[版主回覆02/13/2012 15:05:41]而家Sheryl都去左佢間"princess room"同工人瞓啦, 雖然弟弟半夜喊竟然好少嘈醒佢, 不過佢要返學, 驚佢瞓得唔好, 唯有好唔捨得地比佢同工人瞓! 間房係打通兩間先有噤大....
Wall paper 好靚,見Sheryl好開心 :)
回覆刪除[版主回覆02/13/2012 15:03:14]淘寶買好平 :)
你好呀, 我想問下你在那裡訂英國版牛欄牌呢?? BB 食左OK 嗎??
回覆刪除我現在BB 是全人奶的, 打算買此奶粉給BB 食.. 所以想知好不好, 煩請回覆我啦... 謝謝
[版主回覆03/17/2012 01:13:02]Aidan 一曰四餐人奶一餐奶粉，不過近來埋身餵果兩次多數食一邊，我要泵另一邊，所以兩次泵出黎夾埋又有一餐，所以有時可以全人奶
[Gigi回覆02/15/2012 15:30:46]明白, 想問下 Aidan 一餐食幾多人奶呢 ? 我都係打算補一餐奶粉炸..
[版主回覆02/15/2012 14:19:09]上網訂, baby central, 家兒寶寶, bumps to babies 都有. 其實Aidan而家一日食一餐formula (臨訓果餐), 其他4餐食人奶, 我覺得英國版牛欄牌稀d似人奶, 又唔太甜, 臨訓果餐食完第二朝都有大便, 唔熱俘喎. 不過佢一日食一餐only, 唔知可唔可以作準.
你好, 請問盒旅行裝係邊到訂的?
回覆刪除[版主回覆01/09/2013 11:00:38]之前baby central買, 不過而家都無得賣啦 ~~~